Михайло Горняку - 80!.pdf З нагоди 80 роки од народзеня пана Михайла Горняка щиро му винчую Руски-Русински орґанизациї и жадаю ище вельо здравя и щесца у живоце.Михайло Горняк, амбасадор у пензиї, народзени у Дюрдьове, 1929. року як штварте дзецко у фамелиї Горняк. Штири класи основней школи закончел у Дюрдьове по 1940. рок, три класи под час окупациї 1941-1944, на мадярским язику, ґимназию у Руским Керестуре, Вербаше и Бечею. Дипломовал на Новинарско-дипломатскей високей школи и на Филозофским факултету (история). Як сотруднїк робел у «Руским слове» и «Дневник»-у. До Министерства вонкашнїх дїлох бул прияти 1957. року а 1958. року є послати на роботу до Амбасади СФРЙ у Букурешту у званю аташе. 1968. року бул поставени за шефа одсеку за Китай а потим, 1969. року меновани за совитнїка у одношенями зоз жемами Индокини (Виєтнам, Камбоджа, Лаос и Сиверна Корея) и премесцени до Амбасади СФРЙ у Пекинґу. Зоз Пекинґу є у децембру 1972. року премесцени до Ханою (Виєтнам) дзе отворел Амбасаду СФРЙ и бул перши окончователь роботох. Потим знова робел у Министерству вонкашнїх дїлох як шеф одсеку за Китай и участвовал у нормализациї одношеньох зоз Китайом (нащива Хуао Кио-Фенґа Югославиї и нащива предсидателя Югославиїи Йосипа Броза Тита Китаю). Як Министер совитнїк робел у Амбасади СФРЙ у Токию. Потим, по врацаню до жеми робел у Управи за анализу и планованє политики, потим бул начальнїк Управи за Азию, шеф Кабинета союзного Министра, бул меновани за остатнього амбасадора СФРЙ у Демократскей Републики Виєтнам одкаль пошол до пензиї. Од 1974-1990. року бул на схадзкох ОЕБС, ОУН, министерских и самитох у Ню Делхию, Луанди, Харареу. Бешедує анґлийски, француски и румински, хаснує ше зоз мадярским и шпанским язиком и розуми шицки славянски язики.Тераз є окремно активни на питаньох очуваня националного идентитету русинох, з часу на час зявюе ше зоз прилогами у рижних дньових новинох и участвує на шицких форумох на интернету дзе тема русини/руснаци, активни є сотруднїк веб сайта Руснак инфо.Оженєти є зоз Емилию, народзену Костелник (перши маґистер математичкей лоґики у Югославиї), мает сина Бориса котри у Пекинґу, на китайским язику, закончел штредню школу, на японским закончел Архитектуру у Токию а високу школу за менаджмент закончел на универзитету Станфорд у Сан Франциску. Роби по швеце за японски и американски компаниї. Жиє зоз фамелию у ЗАД.Редколлегия международного исторического журнала «Русин» присоединяется к поздравлениям в адрес юбиляра. Михайло Горняк является членом редколлегии нашего журнала. Он активно участвует не только в общественной жизни русинов Сербии, но и контактирует с многими деятелями русинского движения других стран. Его многочисленные статьи публикуются в различных изданиях и интернет-сайтах. Деятельность М. Горняка на благо русинского народа должна служить примером для молодых. Мы, в свою очередь, желаем юбиляру крепкого здоровья, долгих лет жизни, семейного счастья и сохранения активной жизненной позиции.

Скачать электронную версию публикации